"مجھ سے نہیں ہوگا”اذان سمیع خان سوشل میڈیا پر مذاق بن گئے
ڈرامہ سیریل عشق لا میں اذان سمیع، سجل علی اور یمنیٰ زیدی مرکزی کردار ادا کر رہے ہیں۔
پاکستان کی معروف اداکارہ زیبا بختیار کے بیٹے اذان سمیع خان ڈرامہ سیریل ’عشق لا‘ میں مرکزی کردار میں دیکھے گئے ہیں تاہم مداحوں کی جانب سے ان کی اداکاری کو کوئی خاص پزیرائی حاصل نہیں ہوسکی ہے ، سوشل میڈیا صارفین نے ان کے ڈرامے کے ایک کلپ کو شیئر کرتے ہوئے مزاح کا نشانہ بنایا۔
قیصر حیات کا تحریرکردہ اور مومنہ درید پروڈکشن کے بینر تلے بننے والے اپنے وجود کی تلاش میں ابدی محبت کو پالینے کی کہانی پر مبنی ڈرامہ سیریل ’عشق لا‘سے اداکاری کا باقاعدہ آغاز کرنے والے زیبا بختیار کے بیٹے اذان سمیع خان نے اداکاری کے میدان میں قدم رکھ دیا ہے ، ڈرامے میں اذان سمیع، سجل علی اور یمنیٰ زیدی مرکزی کردار ادا کر رہے ہیں۔
یہ بھی پڑھیے
اداکار اذان سمیع نے اپنے ڈرامے کا ٹریلر مداحوں کے لیے جاری کردیا
عمران اشرف اورامرخان”دم مستم”میں جلوہ گر ہوں گے
سوشل میڈیا صارفین کی جانب سے ڈرامے میں اذان سمیع خان کی ناتجربہ کاری پر تنقید کرتے ہوئے مذاق بنایا گیا ہے ، ایک صارف کی جانب سے ان کے ڈرامے کا چند سیکنڈ پر مشتمل ایک کلپ شیئر کیا گیا ہےجس میں کہہ رہےہیں کہ "مجھ سے نہیں ہو گا”۔
Yeh baat momina bhabi ko bhi kehni thi na https://t.co/ipLN8iYR0h
— s. (@miss_abbasi7) January 14, 2022
دوسری جانب شوبز جرنلسٹ صدف حیدر نے مائیکروبلاگنگ کی ویب سائٹر ٹوئٹرپر اذان سمیع خان کی اداکاری پر تنقیدکرنے والوں کو جواب دیتے ہوئے کہا ہے کہ ٹھیک ہے اگر اس طرح کے بہترین اسکرپٹ دستیاب ہیں تو ماہر تجربہ کار اداکاروں کو وہی پرانے دقیانوسی کرداروں اور معمولی کہانیوں کو دہرانے پر مجبور کیوں کیا جاتا ہے ؟ان نئے لوگوں کو کیوں استعمال نہیں کیا جاتا؟ سارا الزام اذان پر نہیں پروڈیوسر اور ڈائریکٹر پر ہے جنہوں نے اسے بھی ایسے مشکل میں ڈال دیاہے۔
Ok so if such premium scripts are available why are skilled experienced actors forced to repeat the same old stereotypical roles & mediocre stories Why not use these new guys ? All the blame usnt on Azaan its on Producer & Director who put him in line of fire too #Ishqelaa
— Sadaf Haider صدف حیدر (@tomtomatoe) January 14, 2022
ڈرامہ سیریل عشقِ لا میں اذان سمیع، سجل علی اور یمنیٰ زیدی کے علاوہ سہیل سمیر، عظمیٰ حسن، عثمان پیرزادہ اور سیمی راحیل بھی اداکاری کے جوہر دیکھائیں گی ۔
