مسجد نبویﷺ کی بے حرمتی پر اقلیتیں بھی رنجیدہ
آج یہ سب کچھ دیکھ کر دل بہت افسردہ ہوا ہے، اللہ سب کو ہدایت دے، کپل دیو:پاکستانی سیاست میں ایک دوسرے پر اتنا گند کبھی نہیں اچھاگیا ہوگا،دیپک پروانی
مسجد نبوی ﷺ میں گزشتہ رات پیش آئے افسوسناک واقعے نے مسلمانوں کے ساتھ ساتھ غیرمسلموں کوبھی رنجیدہ کردیا۔
ہندو اور عیسائی مذہب سے تعلق رکھنے والی سماجی شخصیات نے واقعے پر گہرے دکھ اور افسوس کا اظہار کیا ہے۔
یہ بھی پڑھیے
پی ٹی آئی کارکن مسجد نبویﷺ کے آداب بھلابیٹھے،حکومتی وزرا کیخلاف نعرے
طارق جمیل، محمد یوسف اور آفریدی کی مسجد نبوی کی بے حرمتی کی مذمت
سول سروس سے وابستہ سماجی رہنما کپل دیو نے مسجد نبوی میں پیش آئے واقعے پر افسوس کا اظہار کرتے ہوئے اپنے ٹوئٹ میں لکھا کہ بحیثیت ایک ہندو ہم نے اپنے مسلمان بھائیوں کے عقیدہ آخرت ،نبی پاک ﷺاور ان کی مقدس عبادت گاہوں کا ہمیشہ دل سے احترام کیا ہے اور ہمیشہ اپنی سیاسی سوچ اور نظریات سے بہت بہت دور رکھا ہے۔ مگر آج یہ سب کچھ دیکھ کر دل بہت افسردہ ہوا ہے۔ اللہ سب کو ہدایت دے۔
#توہین_مسجد_نبوی_نامنظور
بحیثیت ایک ہندو ہم نے اپنے مسلمان بھائیوں کی عقیدے، آخرت نبی پاک (ص) اور ان کی مقدس عبادت گاہوں کا ہمیشہ دل سے احترام کیا ہے۔ اور ہمیشہ اپنی سیاسی سوچ اور نظریات سے بہت بہت دور رکھا ہے۔ مگر آج یہ سب کچھ دیکھ کر دل بہت افسردہ ہوا ہے۔ اللہ سب کو ہدایت دے۔— Kapil Dev کپل دیو (@KDSindhi) April 28, 2022
انہوں نے ایک اور ٹوئٹ میں لکھا کہ نا مسجد نبوی کے تقدس کا احترام نا آئین پاکستان کا احترام نا سیاسی مخالف نظریات کا احترام کیا بدتمیز نسل بنا دی ہے اپنی کرسی کے چکر میں۔ بس اللہ ہی ہدایت دے۔
نا مسجد نبوی کے تقدس کا احترام
نا آئین پاکستان کا احترام
نا سیاسی مخالف نظریات کا احترامکیا بدتمیز نسل بنا دی ہے اپنی کرسی کے چکر میں۔
بس اللہ ہی ہدایت دے۔
— Kapil Dev کپل دیو (@KDSindhi) April 28, 2022
معروف فیشن ڈیزائنر دیپ پروانی نے اپنے ٹوئٹ میں لکھا کہ پاکستانی سیاست میں ایک دوسرے پر اتنا گند کبھی نہیں اچھالا گیا ہوگا ۔
Never seen so much filth being thrown at each other #pakistani #politics it’s gross .
— Deepak perwani (@DPerwani) April 28, 2022
کیتھی نامی ٹوئٹر صارف نے لکھا کہ مسیحی ہوتے ہوئے مجھے یہ سب ویڈیوز دیکھ کر انتہائی افسوس ہو رہا ہے کہ عمران خان نے کس طرح کا گروہ تیار کر لیا ہے جسے یہ پتہ نہیں کہ کہاں سیاسی نعرے نہیں لگانے۔
مسیحی ہوتے ہوئے مجھے یہ سب ویڈیوز دیکھ کر انتہائی افسوس ہو رہا ہے کہ عمران خان نے کس طرح کا گروہ تیار کر لیا ہے جسے یہ پتہ نہیں کہ کہاں سیاسی نعرے نہیں لگانے۔
یقین مانیں میری آنکھوں میں آنسو آگئے ہیں کہ یہ سب نہیں ہونا چاہیے تھا 😭😭— Cathy (@curious_soul2) April 28, 2022
انہوں نے مزید لکھا کہ یقین مانیں میری آنکھوں میں آنسو آگئے ہیں کہ یہ سب نہیں ہونا چاہیے تھا۔
