سنیما مالکان کی بدمعاشی، دی لیجنڈ آف مولاجٹ دکھانے سے انکار، پروڈیوسر کی اہم اپیل
70 فیصد سنیماز کا فلم نہ دکھانا ظالمانہ اقدام ہے، حکومت اور اپوزیشن ایک دوسرے پر کیچڑ اچھالنے میں مصروف ہیں، پھر کہتے ہیں سافٹ امیج دکھاؤ، ہدایت کار وجاہت رؤف پھٹ پڑے، عمارہ حکمت اور نبیل قریشی کی فلم کے وڈیو کلپس سوشل میڈیا کی زینت نہ بنانے کی اپیل
کراچی سمیت ملک کے بڑے سنیما مالکان بدمعاشی پر اتر آئے، پاکستان کی سب سے بڑی فلم دی لیجنڈ آف مولاجٹ کو ذاتی مفادات کی بھینٹ چڑھادیا۔متعدد سنیما ز میں فلم کی نمائش تاحال شروع نہ ہوسکی۔مفاد پرست سنیما مالکان کو سوشل میڈیا پر کڑی تنقید کا سامنا ہے۔
دوسری جانب معروف فلمساز و ہدایت کارعمارہ حکمت اور نبیل قریشی نے سنیماز کا رخ کرنے والے ناظرین سے فلم کی وڈیوز بناکر سوشل میڈیا پر شیئر نہ کرنے کی اپیل کردی۔
یہ بھی پڑھیے
دی لیجنڈ آف مولا جٹ بلاک بسٹر فلم قرار،پہلے دن کمائی کے تمام ریکارڈ توڑ دیے
دی لیجنڈ آف مولاجٹ آج ریلیز ہوگی، پریمیئر میں حمزہ عباسی کی عدم شرکت
معروف ہدایت کارو فلمساز وجاہت رؤف نے اپنی انسٹاگرام پوسٹ میں لکھا ہے کہ 70 فیصد سنیماز’دی لیجنڈ آف مولاجٹ ‘نہیں دکھارہے، یہ مضحکہ خیز، افسوسناک اور ظالمانہ اقدام ہے جبکہ حکومت اور اپوزیشن ایک دوسرے پر کیچڑاچھالنے میں مصروف ہیں جو ظاہر کرتا ہے کہ انہیں فن سے کوئی دلچسپی نہیں ہے۔
View this post on Instagram
وجاہت رؤف نے کہاکہ اگر فوری طور پر قواعد نہ بنائے گئے تو ہمارا سنیما دوسری مرتبہ تباہ ہوجائے گا، پھر کہتے ہیں سافٹ امیج پروموٹ کرو۔
عرب نیوز سے وابستہ شوبز رپورٹر اور اسکرین رائٹر مہوش اعجاز نے ٹوئٹر صارفین کے سنیماز میں فلم دی لیجنڈ آف مولاجٹ نہ دکھانے کی شکایات اپنے ٹوئٹ میں شیئر کرتےہوئے لکھاکہ کیا یہ مسئلہ بھی جلد از جلد حل ہو سکتا ہے؟ فلم بہت سے سینما گھروں میں نہیں چل رہی ۔ کراچی کے سینما گھروں کا ایک بڑا حصہ دی لیجنڈ آف مولا جٹ نہیں دکھارہا اور اسلام آباد سے بھی ملتے جلتے تبصرے آرہے ہیں، جو بھی مسئلہ ہے.
Can this issue also be resolved asap. The film isn’t playing in many cinemas. A large chunk of cinemas in #Karachi are not showing #TheLegendofMaulaJatt & similar comments from #Islamabad. Whatever the issue is hope it is fixed soon, public should be able to see this film now. pic.twitter.com/18ZP5bILN0
— Mahwash Ajaz 🇵🇰 (@mahwashajaz_) October 14, 2022
مہوش اعجاز نے مزید لکھا کہ امید ہے کہ یہ مسئلہ جلد حل ہو جائے گا، یہ فلم اب عوام کیلیے قابل رسائی ہونے چاہیے۔
دوسری جانب فلم کی پروڈیوسر عمارہ حکمت نے فلم بینوں سے فلم کی وڈیو سوشل میڈیا پر شیئر نہ کرنے کی اپیل کردی۔عمارہ حکمت نے اپنے ٹوئٹ میں لکھاکہ برائے مہربانی فلم کا کوئی کلپ سوشل میڈیا یا یوٹیوب پر شیئرنہ کریں۔آپ نہ صرف دوسروں کے فلم کے تجربے کو برباد کررہے ہیں بلکہ فلم کے ممکنہ کاروبار کو بھی نقصان پہنچا رہے ہیں۔
Absolutely! This is has become a norm, if u like the movie ! Share the poster or a image but do not share clips on insta/snap & please do not think its normal to rec videos on ur insta or snap story during movie. Its illegal/unethical https://t.co/Uz5dsCOM87
— Nabeel Qureshi (@nabeelqureshi) October 14, 2022
ہدایت کار نبیل قریشی نے بھی عمارہ حکمت کی تائید کرتے ہوئے لکھا کہ بالکل! یہ ایک معمول بن گیا ہے، اگر آپ کو فلم پسند ہے! پوسٹر یا تصویر شیئر کریں لیکن انسٹاگرام یااسنیپ چیٹ پر کلپس شیئر نہ کریں اور براہ کرم فلم کے دوران اپنے انسٹا یا اسنیپ اسٹوری پر ویڈیوز کو ریکارڈ کرنا معمول کی بات نہ سمجھیں۔ یہ غیر قانونی اور غیر اخلاقی ہے۔
Can’t someone pls stop people from uploading clips of #thelegendofmaulajutt on social media? This is ridiculous, I haven’t seen the film and I’m avoiding everything abt it until I see it because I want my review to be as balanced as possible. Pls stop uploading the clips!
— Mahwash Ajaz 🇵🇰 (@mahwashajaz_) October 13, 2022
واضح رہے کہ فلم دی لیجنڈ آف مولاجٹ کی ریلیز کے ساتھ ہی اس کے کلائمکس سمیت متعدد مناظر یوٹیوب اور سوشل میڈیا پر شیئر کیے جارہے ہیں جس کے باعث اب تک فلم نہ دیکھنے والے ناظرین کا مزہ کرکرا ہورہا ہے۔
