اداکار عدنان صدیقی روایتی کھانوں کے دلدادہ

اداکار کے انناس پیزا پر تبصرے کے بعد ٹوئٹر پر صارفین کی جانب سے دلچسپ جوابات کا سلسلہ جاری ہے۔

پاکستان فلم اور ڈرامہ انڈسٹری کے معروف اداکار عدنان صدیقی نے کہا ہے کہ “پیزا پر انناس، بریانی میں الائچی اور ڈمپلنگ کیچپ کے ساتھ کھانا ایسے ہے جیسے خود کشی کرنا۔ کیا جو میں محسوس کرتا ہوں کوئی دوسرا بھی محسوس کرتا ہے۔؟”

اداکار عدنان صدیقی کے انناس والے پیزا پر تبصرے کے بعد ٹوئٹر صارفین کی جانب سے سنجیدہ اور مزاحیہ اور دلچسپ  جوابات کا سلسلہ چل نکلا ہے۔

یہ بھی پڑھیے

حدیقہ کیانی اپنے سنہری دور کو یاد کرنے لگیں

سٹرینجرز مانیا نامی ٹوئٹر صارف نے عدنان صدیقی کے ٹوئٹ پر ردعمل دیتے ہوئے لکھا ہے کہ “کباب میں ہڈی محسوس ہوتی ہے خصوصاً جب بریانی کھاتے ہوئے الائچی منہ میں آجاتی ہے۔”

ماہین وہاب ٹوئٹر صارف نے عدنان صدیقی کو ٹیگ کرتے ہوئے لکھا ہے کہ “بریانی ہو گی تو الائچی ضرور ہوگی۔”

سٹرینجرز مانیا نے ماہین وہاب کے ٹوئٹ پر “کراہٹ” کا اظہار کیا ہے۔

ٹوئٹر کی ایک اور صارف نتاشہ کنڈی جوکہ مصنفہ اور یوٹیوبر ہیں ، انہوں نے اداکار عدنان کی پوسٹ پر تبصرہ کرتے کہا ہے کہ “پیزا کے اوپر انناس بہت مزہ دیتا ہے۔”

ایک خاتون خانہ بنت عباس نے ٹوئٹر کا سہارا لیتے ہوئے لکھا ہے کہ”بریانی پر چاکلیٹ کیسی لگتی ہے۔۔۔۔۔؟

ارم بٹر جو کے دو بچوں کی ماں انہوں نے ٹوئٹر پر جاتے ہوئے لکھا ہے کہ “میرے بچوں کو ہواوے پیزا بہت پسند ہے۔ پیزا پر انناس کا چھڑکاؤ کیا جاتا ہے۔ میرا خیال ہے کہ یہ پیزا بچوں کے لیے ہے اس لیے انہیں انجوائے کرنے دینا چاہیے۔”

ٹوئٹر کے ایک اور صارف فیصل جاوید صدیقی جو کہ بینکر ہیں انہوں نے لکھا ہے کہ میں عدنان صدیقی کی پہلی دو باتوں سے مکمل اتفاق کرتا ہوں۔

Facebook Comments Box