اداکار بھی بارش کے پانی میں ڈوبے کراچی کا نوحہ پڑھنے پر مجبور
زاویار نعمان ڈیفنس میں کھڑے پانی میں پھنس گئے،یشمیٰ گل نے ریسکیو کیا، احسن محسن اکرام کی حکومت اور سیاستدانوں پر شدید تنقید، اداکار شان نے سڑک سے پانی اٹھانے کی مضحکہ خیز وڈیو شیئر کردی
کراچی میں کئی روز سے جاری بارشوں نے جل تھل ایک کردیا ہے،حکومت اور انتظامیہ کی نااہلی نے امیر اور غریب کا فرق مٹاتے ہوئے پورے شہر کو جوہڑ میں تبدیل کردیا ہے۔شوبز انڈسٹری سے وابستہ اداکار بھی کراچی کا نوحہ پڑھنے پر مجبور ہوگئے ہیں۔
اداکار احسن محسن اکرام نے بارش کے بعد کی صورت حال پر حکومت، انتظامیہ اور سیاستدانوں کو تنقید کا نشانہ بناڈالا۔
یہ بھی پڑھیے
حرا مانی پسند کی شادی اور کم عمری کی شادی کا فرق نہیں جانتیں؟
اداکارہ نیمل خاور کا ڈرامہ انڈسٹری میں واپسی کا عندیہ
احسن محسن اکرام نے اپنے ٹوئٹ میں لکھا کہ اپنے پیارے شہر کو اس حالت میں دیکھ کر بس افسوس ہوتا ہے۔
Just sad 2 see my beloved city in such condition, politicians & govt officials, I hope your graves be flooded with the grey water entering peoples homes & streets – incapable people cannot do anything right.
Politically, socially, economically – complete ZERO
— Ahsan Mohsin Ikram (@ahsanmikramsays) July 24, 2022
انہوں نے سیاستدانوں اور سیاسی حکام کومخاطب کرتے ہوئے لکھا کہ مجھے امید ہے کہ تمہاری قبریں بھی ایسے ہی سرمئی پانی داخل ہوگا جیسے لوگوں کے گھروں اور گلیوں میں داخل ہورہا ہے۔انہوں نے مزید لکھا کہ نااہل لوگ کوئی کام ڈھنگ سے نہیں کرسکتے۔
سینئر اداکارہ نعمان اعجاز کے فرزند اداکار زاویار نعمان ڈیفنس کے علاقے میں بارش کے پانی میں پھنس گئے تو انہیں ان کی دوست اداکارہ یشمیٰ گل نے ریسکیو کیا۔
View this post on Instagram
یشمیٰ گل نے اپنی انسٹاگرام اسٹوری میں وڈیو شیئر کرتے ہوئے لکھا کہ جب آپ کو اپنے دوست کو ریسکیو کرنا پڑجائے جس کے پاس آڈی ہے۔وڈیو میں دونوں اداکاروں کو سڑک کی حالت پر حیرانی کا اظہار کرتے ہوئے دیکھا جاسکتا ہے۔
View this post on Instagram
ادھر ادا کار شان نےکراچی میں بلڈوزرکے ذریعے بارش کا پانی اٹھاکر ڈمپر میں ڈالنے کی مضحکہ خیز وڈیو شیئر کرتے ہوئے کراچی کیلیے اپنے دردکا اظہار کرتے ہوئے لکھا کہ رو رہا ہوں اور ہنس رہا ہوں۔ وڈیو میں دیکھاجاسکتا ہے کہ سڑک پر کھڑے پانی کو بلڈوزر کی مدد سے اٹھا کر ڈمپر میں بھرنے کی کوشش کی جارہی ہے اور پانی دوبارہ سڑک پر گررہا ہے۔
