ڈیفنس لاہور کے اسکول میں پیش آئے واقعے پر فنکاروں کا شدید ردعمل

لاہور کے پوش علاقے ڈیفنس کے امریکن اسکول میں طالبہ پر تشدد کے واقعے کیخلاف فنکاروں کا شدید ردعمل سامنے آیاہے۔

شوبز شخصیات نے واقعے میں ملوث طالبات کو قرار واقعی سزا دینے کامطالبہ کردیا۔

یہ بھی پڑھیے

لاہور کا مہنگا ترین امریکی اسکول یا نشیئیوں کا گڑھ

گلوکار علی ظفر نے طالبات کے رویے کو طاقت کے نشے سے منسلک کرتے ہوئے کہا کہ  ممکنہ طور پر انہیں زندگی میں کسی معاملے میں یہ احساس کمتری کا شکار ہوں اور اپنے نفس کی تسکین کے لئے خود کو متاثرہ طالبہ پر حاوی کرنا چاہ رہی ہوں، اس لئے اس واقعے کے پیچھے پوشیدہ وجوہات کا پتہ لگا کر انہیں ختم کرنا چاہیے۔

What’s schools can do ?

Clear policies against bullying should be established with consequences. Teachers and staff should be trained to recognize signs of bullying, create a school climate that encourages students to report instances of bullying they observe or experience.

— Ali Zafar (@AliZafarsays) January 21, 2023

انہوں نے تعلیمی اداروں میں کلاسز کے اندر اور باہر راہ داری میں سی سی ٹی وی کیمرے نصب کرنے پر بھی زور دیا تاکہ کسی ناگہانی صورت میں ان سے فوری مدد لی جاسکے۔

However, no matter what schools do. A BIG responsibility falls on the parents’ shoulders. There is a golden word we use in Urdu. It’s called “Tarbiyyat”. Apne bachon ki tarbiyat pe poori tawajah deign. They want and deserve your attention. And most importantly they want your love

— Ali Zafar (@AliZafarsays) January 21, 2023

اس کے ساتھ ہی انہوں نے والدین سے بھی درخواست کی ہے کہ اس نفسہ نفسی کے دور میں اپنے بچوں کی تربیت پر خود غور کریں ، انہیں صحیح اور غلط کا فرق سمجھائیں اور ان کا خیال رکھیں۔

اداکارہ یشمیٰ گِل کا کہنا ہے کہ ہمارے بچے کب یہ سمجھیں گے کہ بُلنگ یا کسی دوسرے بچے کو ہراساں کرنا بالکل غلط ہے، اتنے سارے تمائشائی موجود ہیں؟‘۔

اداکار اور میزبان احمد علی بٹ نے اس واقعے کی مکمل ذمہ داری والدین اور اسکول انتظامیہ کے سر ڈالتے ہوئے کہا کہ دونوں ہی لاعلم ہیں کہ ان کے بچوں کے ذہنوں کو سوشل میڈیا کس طرح زہر آلود کر رہا ہے اور ادارے میں اتنا بڑا واقع پیش آگیا اور اسکول انتظامیہ بے خبر تھی۔

اداکارہ میرب علی نے تشدد کرنے والی طلبات کو جیل بھیجنے کا مطلبہ کرتے ہوئے انسٹا اسٹوری اپ ڈیٹ کی کہ ’یہ انتہائی ناگوار ہے، امید ہے متاثر طلبا کو جلد انصاف ملے اور یہ مغرور طلبات جو خود کو پاپا کی پرنسس سمجھتی ہیں جیل کی ہوا کھائیں‘۔

اداکار عمران عباس نے بھی سوشل میڈیا پلیٹ فارم انسٹاگرام پر اسٹوری اپ ڈیٹ کرتے ہوئے متعلقہ اداروں سے مطالبہ کیا ہے کہ تشدد کرنے والی تینوں طلبات کے خلاف فوری ایکشن لیا جائے۔

اداکار احسن خان نے بھی بذریعہ انسٹا استوری اپ ڈیٹ کرتے ہوئے نہ صرف اس واقعے میں ملوث طالبات بلکہ تمائشائیوں میں شامل طلبہ اور ویڈیو ریکارڈ کرنے والوں کے خلاف بھی کارروائی کا مطالبہ کر دیا۔

انہوں نے کہا کہ طلبات کی 50 ہزار کے مچلکوں کے عوض عبوری ضمانتیں منظور ہونے پر مایوسی کا اظہار کرتے ہوئے کہا کہ اس کا مطلب متاثرہ ہمیشہ انصاف کے حصول کے لئے در در کی ٹھوکریں کھاتا رہے گا۔