پی ٹی وی اور اے اسپورٹس نے پی ایس ایل کے نشریاتی حقوق حاصل کرلیے

پی ایس ایل کے 2022 اور 2023 ایڈیشن کے لیے نشریاتی حقوق پی ٹی وی اسپورٹس اور اے اسپورٹس نے 50 فیصد بولی کے ساتھ حاصل کرلیے ہیں۔

دونوں چینلز نے قومی کرکٹ ٹورنامنٹ کے نشریاتی حقوق حاصل کرنے کیلیے سب سے زیادہ بولی لگائی۔

یہ بھی پڑھیے

کرس گیل نے آئی پی ایل ٹورنامنٹ چھوڑ دیا

پی سی بی کا شائقین کرکٹ کے لیے آن لائن مرچنڈائز اسٹور متعارف کرانے کا فیصلہ

پی ٹی وی نیوز کی ٹویٹ کے مطابق شائقین پاکستان سپر لیگ 7 اور 8 کے میچز پی ٹی وی اسپورٹس پر براہ راست دیکھ سکیں گے۔

شائقین کرکٹ کیلئے اچھی خبر،پی ایس ایل7 کے حقوق پی ٹی وی نے حاصل کرلئے
شائقین ہمیشہ کی طرح پاکستان سپر لیگ کے مقابلے پی ٹی وی سپورٹس پر براہ راست دیکھ سکیں گے
پی ایس ایل سیزن 7 کا آغاز27جنوری سے کراچی کے نیشنل اسٹیڈیم سے ہوگا
ایونٹ کا فائنل میچ 27 فروری کو لاہور میں کھیلا جائے گا pic.twitter.com/chef1eyWrm

— PTV News (@PTVNewsOfficial) December 23, 2021

خیال رہے کہ پی ایس ایل 7 کا آغاز 27 جنوری 2022 سے کراچی کے نیشنل اسٹیڈیم سے ہوگا جبکہ ٹورنامنٹ کا فائنل میچ 27 فروری کو لاہور میں کھیلا جائے گا۔

پی سی بی کے قائم مقام سی ای او سلمان نصیر نے کہا کہ پی ایس ایل نشریاتی حقوق کی بولی میں 50 فیصد اضافے سے اس ٹورنامنٹ کی مقبولیت کا اندازہ لگایا جا سکتا ہے۔