پیسہ لے کر بھاگنے کا الزام لغو ہے، اشرف غنی کا فرار کے بعد پہلا انٹرویو

طالبان کی جانب سے اگست 2021ء میں افغان دارالحکومت کابل پر قبضے کرنے بعد افغانستان سے فرار ہونے والے سابق صدر اشرف غنی کا پہلا انٹرویو سامنے آگیا۔

بی بی سی ریڈیو فور کے ٹوڈے پروگرام کے میزبان اور اشرف غنی کے پرانے دوست جنرل نک کارٹر کو دیئے گئے انٹرویو میں سابق صدر نے افغانستان میں طالبان سے فرار ہونے کا لمحہ بیان کیا۔

یہ بھی پڑھیئے

• برادر ملک کی امداد، پاکستان سے افغانستان کو غذائی اجناس کی ترسیل کا آغاز

  • زرنش خان اداکاری اور رقص کے علاوہ کس چیز کی ماہر نکلیں؟

اشرف غنی نے اپنے فیصلے کا دفاع کرتے ہوئے کہا کہ انہوں نے یہ کام کابل کی تباہی کو روکنے کے لیے کیا تھا۔

Ashraf Ghani gives his first interview: On @BBCRadio4 to guest host (and old friend) Gen. Nick Carter, says made decision to leave the country in a matter of seconds because he feared for his life and to prevent the city’s destruction. #Afghanistan https://t.co/JGwdh8UVKP

— Nick Schifrin (@nickschifrin) December 30, 2021

طالبان نے اگست میں دارالحکومت پر قبضہ کرنے کے بعد اقتدار پر بھی قبضہ کر لیا تھا۔

اشرف غنی نے انکشاف کیا کہ جب وہ 15 اگست کو سوکر بیدار ہوئے تو انہیں اس وقت تک کوئی اندیشہ نہیں تھاکہ وہ دن افغانستان میں ان کا آخری دن ہوگا اور جب ان کا طیارہ کابل سے روانہ ہوا تب انہیں یہ احساس ہوا کہ وہ جارہے ہیں۔اس وقت مجھ پر شدید تنقید کی گئی تھی اور ملک چھوڑنے کا الزام لگایا گیا گیا تھا تاہم اب میں متحدہ عرب امارات میں ہوں۔

اشرف غنی کے مطابق طالبان کے دو مختلف دھڑے دو مختلف سمتوں سے قریب آرہے تھے اور ان کے مابین بڑے پیمانے پر تصادم کا امکان موجود تھا جس سے پچاس لاکھ افراد کی تباہی کا خدشہ تھا۔

اشرف غنی نے بتایا کہ قومی سلامتی کے مشیر اور صدارتی سیکورٹی کے چیف نے مجھے دو منٹ سے زیادہ سوچنے تک کا وقت نہیں دیا اور کہا اگر ہم نہیں گئے تو مارے جائیں گے۔ اس وقت تک مجھے نہیں معلوم تھا کہ ہم کہاں جائیں گے۔ جب ہم نے ٹیک آف کیا تو یہ واضح ہو گیا کہ ہم افغانستان چھوڑ رہے ہیں لیکن یہ واقعی اچانک تھا۔

اشرف غنی نے کہا کہ میری رخصتی کو نائب صدر امر اللہ صالح سمیت بہت سے لوگوں نے تنقید کا نشانہ بنایا اور ذلت آمیز قرار دیا گیا۔
انہوں نے ملک سے پیسوں سے بھرے بیگز لے کر بھاگنے کو محض الزامات قرار دیا اور اس کی سختی سے تردید کرتے ہوئے کہا کہ میرا طرز زندگی سب کو معلوم ہے اور میں پیسے کا کیا کروں گا۔