مارویلز کی نئی فلم میں سماعت سے محروم سپر ہیرو کی اینٹری
'ایٹرنلز' میں 10 لافانی ایلینز کی کہانی بتائی گئی ہے جو کہ 100 برس تک ایک دوسرے سے الگ ہوگئے تھے لیکن شیطانی مخلوقات سے لڑنے کے لیے ایک ہوگئے۔
نئی ہالی ووڈ ایکشن فلم ‘ایٹرنلز’ کی جمعے کو امریکی تھیٹرز میں نمائش ہوگی، فلم کی نمائش کورونا وائرس وبا کی وجہ سے تاخیر کا شکار رہی۔ فلم میں امریکہ، میکسیکو، برطانیہ، آئرلینڈ، جنوبی کوریا، لبنان اور بھارت کے اداکاروں نے حصہ لیا ہے۔
ہیلو پاکستان میگزین نے فلم کی ریلیز سے متعلق انسٹا گرام اکاؤنٹ پر پوسٹ شیئر کی ہے۔
View this post on Instagram
اینجلینا جولی نے تھینا نامی جنگجو کا کردار نبھایا ہے، انہوں نے فلم کے پریمیئر کے موقع پر کہا کہ میں امید کرتی ہوں کہ آئندہ برسوں میں جب لوگ یہ فلم دیکھیں تو وہ اس کے تنوع کے بارے میں خیال نہ کریں بلکہ تب تک یہ عام روایت بن جائے۔
یہ بھی پڑھیے
صبا قمر کی نئی ویب سیریز "نینا” ریلیز کے لئے تیار
سوریا ونشی کی اسٹار کاسٹ کی شائقین فلم سے تھیٹر دیکھنے کی اپیل
‘ایٹرنلز’ میں 10 لافانی ایلینز کی کہانی بتائی گئی ہے جو کہ 100 برس تک ایک دوسرے سے الگ ہوگئے تھے لیکن شیطانی مخلوقات سے لڑنے کے لیے ایک ہوگئے ہیں۔
برطانوی نژاد ایشیائی اداکارہ گیما چین نے سرسی کا مرکزی کردار ادا کیا ہے، انہوں نے کہا کہ یہ کردار تہذیب کے آغاز کے وقت سے موجود تھے جس کی وجہ سے یہ انسانیت کی خوبصورتی کو ظاہر کرتے ہیں اور یہ سب بہت فطری محسوس ہوتا ہے۔
دیگر اداکاروں میں امریکی نژاد پاکستانی کمیل ننجیانی شامل ہیں جنہوں نے کنگو کا کردار ادا کیا ہے جو کہ مارویل فلم کا پہلا جنوبی ایشیائی ہیرو ہے۔
فلم میں سلمیٰ ہائیک بھی شامل ہیں جو کہ ایٹرنلز کی رہنما ہیں اور ان کے کردار کا نام ہے اجک۔
لورین رڈولف نے ماک کری کا کردار نبھایا جو کہ مارویل فلم کی سماعت سے محروم پہلی ہیرو ہے۔
لورین نے کہا کہ ہم نے بلیک لائیوز میٹر تحریک کا مشاہدہ کیا اور اس کے بعد اس متعلق گفتگو کی کہ اصل نمائندگی کیا ہوتی ہے، سب کی شمولیت کا کیا مطلب ہے۔
