او آئی سی اجلاس منعقد کرنے پر امریکہ پاکستان کا مشکور
امریکی سیکرٹری خارجہ نے افغانستان کی امداد کے لیے اسلامی ممالک کے اجلاس کی میزبانی پر پاکستانی خدمات کو سراہا۔
![او آئی سی](https://news360.tv/wp-content/uploads/2021/12/او-آئی-سی-1.jpg)
امریکہ کے خارجہ سیکرٹری اینٹونی بلنکن نے ٹویٹ کرتے ہوئے کہا ہے کہ او آئی سی کا افغانستان پر خصوصی اجلاس ضرورت مند افراد کے لیے ہمارے مشترکہ عزم کا ثبوت ہے۔
The OIC Extraordinary Session on Afghanistan is a prime example of our collective determination and action to help those most in-need. We thank Pakistan for hosting this vital meeting & inviting the global community to continue cooperating to support the Afghan people. #OIC4Afg
— Secretary Antony Blinken (@SecBlinken) December 22, 2021
انہوں نے کہا کہ ہم پاکستان کے شکرگزار ہیں جس نے اس اہم ترین اجلاس کی میزبانی کی اور اقوام عالم کو دعوت دی تاکہ وہ افغانستان کے باشندوں کی مدد کرنے میں تعاون جاری رکھیں۔
یہ بھی پڑھیے
افغانستان کےلیے امداد، او آئی سی کے وزرائے خارجہ اجلاس کا اہم اجلاس
او آئی سی کے وزرائے خارجہ کا اجلاس، افغانستان گفتگو کا محور ہوگا
امریکی سیکرٹری خارجہ کی جانب سے یہ ٹویٹ پاکستان کی کامیاب خارجہ پالیسی اور افغان پالیسی کا نتیجہ ہے۔
وزیراعظم عمران خان شروع دن سے ہی اس بات پر زور دے رہے ہیں کہ اقوام عالم افغانستان میں طالبان حکومت کو تسلیم کرے اور افغانستان کے منجمد اثاثے اور رقوم بحال کی جائیں تاکہ وہاں معاشی مسائل سے نمٹا جاسکے۔
پچھلے ہفتے اسلامی ممالک کی تعاون تنظیم (او آئی سی) کا غیرمعمولی اجلاس اسلام آباد میں منعقد ہوا تھا جس کے اختتام پر 31 نکاتی اعلامیہ جاری کیا گیا تھا۔
پاکستان کی جانب سے یہ اجلاس منعقد کرنے کا مقصد افغانستان کے لیے تعاون طلب کرنا تھا تاکہ نئی افغان حکومت ملکی معاملات چلا سکے۔
سعودی عرب نے اجلاس میں افغانستان کے لیے ایک ارب ریال دینے کا اعلان کیا تھا۔