نواز شریف کا بےنظیر بھٹو کی برسی پر دکھ کا اظہار

آج سابق وزیراعظم محترمہ بےنظیر بھٹو کی 14 ویں برسی ہے اور صوبہ سندھ میں آج عام تعطیل ہے، ملکی رہنما اور عالمی شخصیات بھی بھٹو خاندان سے اظہار تعزیت کر رہی ہیں۔

اہم بات یہ ہے کہ پیپلزپارٹی کی سیاسی حریف جماعت مسلم لیگ (ن) اور شریف فیملی نے بھی بی بی شہید کی برسی پر تعزیت کا اظہار کیا ہے۔

یہ بھی پڑھیے

بختاور بھٹو میں والدہ بےنظیر بھٹو کی جھلک دکھائی دینے لگی

آصفہ بھٹو زرداری کی محسن پاکستان کی رہائش گاہ آمد، اہلخانہ سے تعزیت

سابق وزیراعظم میاں نواز شریف نے ٹویٹ کرتے ہوئے لکھا کہ میں نہ تو شہید محترمہ بےنظیر بھٹو کی اچانک اور دردناک وفات کو بھولا ہوں نا ہی اس عزم کو کہ ہمیں جمہوریت اور سول بالادستی کو مضبوط کرنا ہے۔

I have neither forgotten sudden and traumatic death of Shaheed Mohtarma Benazir Bhutto nor the pledge we made to strengthen democracy and civil supremacy. I live to strive for the day Pakistan becomes a true democracy, Insha’Allah. SMBB, may you rest in eternal peace. Ameen

— Nawaz Sharif (@NawazSharifMNS) December 27, 2021

سابق وزیراعلیٰ پنجاب شہباز شریف نے ٹویٹ کی کہ محترمہ بےنظیر بھٹو کی شہادت پاکستان کا ایک بڑا نقصان تھا، جمہوریت کے لیے ان کی خدمات سب سے بڑھ کر تھیں۔

The martyrdom of Mohtarama Benazir Bhutto was a huge loss for Pakistan. There are many ways to describe her life but to me, her services for democracy trump them all. May Allah rest her soul in peace!

— Shehbaz Sharif (@CMShehbaz) December 27, 2021

مسلم لیگ (ن) کی نائب صدر مریم نواز نے ٹویٹ میں کہا کہ شہید محترمہ بےنظیر بھٹو کی برسی پر ان کے لیے ڈھیروں دعائیں، مجھے وہ دن اب بھی یاد ہے جب میرے والد اور گھر کے ہر فرد نے ایسے سوگ منایا اور دکھی ہوئے جیسے شاید ہمارے گھر کا ہی کوئی فرد ہمیں چھوڑ گیا ہے۔

Lots of prayers for Shaheed Mohtarma Benazir Bhutto on her death anniversary. I still remember the sad day when my father and everyone in my family mourned & grieved like a member of our family had left us. May she rest in peace & Allah’s mercy. Ameen.

— Maryam Nawaz Sharif (@MaryamNSharif) December 27, 2021

مسلم لیگ (ن) کے ٹوئٹر اکاؤنٹ سے پنجاب اسمبلی میں قائد حزب اختلاف حمزہ شہباز کا پیغام شیئر کیا گیا، انہوں نے کہا کہ امید کرتا ہوں کہ محترمہ بےنظیر بھٹو اور نواز شریف کے درمیان طے ہونے والے چارٹر آف ڈیموکریسی پر عمل کیا جائے گا۔

امید کرتا ہوں کہ محترمہ بے نظیر بھٹو اور میاں نواز شریف کے درمیان دستخط کئے جانے والے چارٹر آف ڈیموکریسی پر اس کی روح کے مطابق عمل کیا جائے گا

— PML(N) (@pmln_org) December 27, 2021

محترمہ بےنظیر بھٹو کی شہادت ایک قومی سانحہ تھا، اُن کی وفات سے پیدا ہونے والی خلا کوئی نہیں پُر کرسکتا، ایک بات جو ہماری سیاسی رہنماؤں کو سمجھنے کی ضرورت ہے وہ یہ کہ سیاست ضرور کریں لیکن اس میں مروت، تہذیب، رواداری اور شائستگی کا دامن ہاتھ سے نہ چھوڑیں۔

ہماری اخلاقی اور معاشرتی روایات بھی یہی تقاضہ کرتی ہیں کہ سیاست میں ذاتیات پر نہ اترا جائے اور انہی رویوں کو پروان چڑھایا جائے کہ جیسے شریف فیملی نے سیاسی حریفوں کے لیے اختیار کیا ہے۔