قومی کرکٹرز کو نظر لگ گئی، عابد علی کے بعد دھانی اسپتال پہنچ گئے

عابد علی نے ٹریڈ مل پر چلتے ہوئے ویڈیو شیئر کی اور بتایا کہ وہ روبہ صحت ہیں، شاہنواز دھانی کی ناک کی سرجری کامیاب۔

قومی کرکٹر عابد علی نے ٹویٹ کرتے ہوئے ٹریڈ مل پر چلنے کی ویڈیو شیئر کی ہے، انہوں نے لکھا کہ ڈاکٹرز کی ہدایات کے مطابق دوبارہ متحرک ہونے کی کوشش کر رہا ہوں۔

عابد علی نے مزید لکھا کہ اہلخانہ، دوستوں اور مداحوں کا بےحد شکرگزار ہوں جنہوں نے بہت محبت اور ہمدردی کا اظہار کیا، جلد ہی روبہ صحت ہوجاؤں گا، دعا کرتے رہیے۔

یہ بھی پڑھیے

پہلی مرتبہ پاکستان نے ورلڈ ویٹ لفٹنگ چیمپئن شپ میں میڈل جیت لیا

پاکستان کرکٹ ٹیم کی نئی کِٹ کی رونمائی، سبز رنگ چھا گیا

یاد رہے کہ عابد علی کو کراچی میں فرسٹ کلاس کرکٹ میچ کے دوران دل میں تکلیف کی وجہ سے اسپتال منتقل کیا گیا تھا اور اب وہ روبہ صحت ہیں۔

لیکن دوسری طرف قومی کرکٹ ٹیم میں شامل ہونے والے نوجوان کھلاڑی شاہنواز دھانی اسپتال پہنچ گئے ہیں۔

شاہنواز نے اپنے ٹوئٹر اکاؤنٹ سے ٹویٹ کرتے ہوئے اسپتال کے بستر سے ایک تصویر بھیجی اور بتایا کہ وہ اپنی ناک کی ہڈی کی کامیاب سرجری کروا چکے ہیں۔

شاہنواز دھانی نے لکھا کہ انہیں ناک کی ہڈی بڑھنے کی وجہ سے کافی عرصے سے سانس لینے میں دشواری کا سامنا تھا۔

پی سی بی کی میڈیکل ٹیم سے رجوع کرنے اور فیملی سے مشورہ لینے کے بعد میں نے سرجری کروا لی ہے اور اب بہتر محسوس کر رہا ہوں۔

لگتا ہے کہ پاکستان قومی کرکٹ ٹیم کو ٹی 20 ورلڈکپ میں شاندار کارکردگی اور بنگلہ دیش اور ویسٹ انڈیز کے خلاف کامیابی کے بعد نظر لگ گئی ہے۔

پی آئی اے جہازوں کی طرح پی سی بی کو چاہیے کہ قومی کرکٹرز اور پورے کرکٹ بورڈ کے لیے کالے بکروں کا صدقہ دے۔

Facebook Comments Box