مائیکل وان نے پی ایس ایل کو دنیا کی دوسری بہترین لیگ قرار دیدیا
برطانوی کرکٹ ٹیم کے سابق کپتان مائیکل وان پاکستان سپر لیگ میں کرکٹ کے معیار سے اس قدر متاثر ہوئے ہیں کہ پی ایس ایل کو انڈین پریمیئر لیگ (آئی پی ایل ) کے بعددنیا کی دوسری بہترین کرکٹ لیگ قرار دیدیا۔
مائیکل وان نے اپنے ٹوئٹ میں لکھا کہ پاکستان سپر لیگ دنیا کا دوسرا بہترین T20 ٹورنامنٹ ہے۔ کرکٹ کے شاندار معیار کے باعث یہ آئی پی ایل سےبھی زیادہ دور نہیں ہے۔
یہ بھی پڑھیے
ملتان سلطانز نے اسلام آباد یونائیٹڈ کو پچھاڑ دیا، 20 رنز سے فتحیاب
پی ایس ایل 2022: بوم بوم آفریدی کوئٹہ گلیڈی ایٹرز کے اسکواڈ میں شامل
Pakistan Super league is the 2nd best T20 Tournament in the World .. it’s not far off the IPL either .. Outstanding standard of cricket .. #Pakistan #PSL
— Michael Vaughan (@MichaelVaughan) February 1, 2022
مائیکل وان نے ان خیالات کا اظہار گزشتہ روز ملتان سلطانز اور اسلام آباد یونائیٹڈ کے مابین کے کھیلے گئے ہائی وولٹیج میچ کے بعد کیا جس میں ملتان سلطانز نے اسلام آباد یونائیٹڈ کو سنسنی خیز مقابلے کے بعد 20رنز سے پچھاڑ کر لگاتار چوتھی فتح حاصل کی تھی۔
یاد رہے اس سے قبل پیر کو ملتان سلطانز نے سنسنی خیز مقابلے کے بعد کوئٹہ گلیڈی ایٹرز کو شکست دی تھی۔ اسلام آباد یونائیٹڈ سے کھیلنے والے انگلش فاسٹ بولر ڈیوڈ ولے نے آخری اوور میں 8 رنز کا میاب دفاع کرتے ہوئے صرف ایک رن دیکر 2 وکٹیں حاصل کی تھیں۔
واضح رہے کہ یہ پہلا موقع نہیں ہے جب کسی غیر ملکی کھلاڑی نے پاکستان سپر لیگ کی تعریف کی ہے۔ اس سے قبل سابق آسٹریلوی آل راؤنڈشین واٹسن نے 2019 میں قرار دیا تھا کہ بولنگ کے اعتبار سے پاکستان سپر لیگ دنیا کا بہترین کرکٹ ٹورنامنٹ ہے۔