باکسر محمد علی کی بنائی ہوئی پینٹنگز نیلامی کے لیے پیش

امریکی باکسر محمد علی کے خاکوں اور پینٹنگز کا ایک نایاب مجموعہ اگلے ہفتے نیویارک میں نیلامی کے لیے جا رہا ہے۔ اس کلیکشن میں 24 پینٹنگز شامل ہیں جن میں سے کئی کو کارٹونز کے انداز میں بنایا گیا، کچھ پینٹنگز محمد علی کے ہاتھوں دستخط شدہ ہیں۔

مصوری کے یہ نادر نمونے محمد علی کی مذہب اور معاشرے میں انصاف قائم کرنے میں دلچسپی کو ظاہر کرتے ہیں، کچھ پینٹنگز میں علی نے خود کو باکسنگ رنگ میں لڑتے ہوئے بھی دکھایا ہے۔

یہ بھی پڑھیے

چھوٹے نواب بھی فلم انڈسٹری میں ڈیبیو کے لیے تیار

آکشنر بون ہیمس نے کہا ہے کہ “sting like a bee” پینٹنگ محمد علی نے 1978 میں تاریخی سیریز “Freedom Road” کی شوٹنگ کے دوران بنائی تھی، اس سیریز میں علی نے بھی کردار ادا کیا تھا۔

توقع ظاہر کی جارہی ہے کہ 5 اکتوبر کو ہونے والے آکشن میں یہ پینٹنگ 40 ہزار سے 60 ہزار ڈالر تک فروخت ہوسکتی ہے۔

یاد رہے کہ آج سے ٹھیک 46 سال قبل محمد علی نے فلپائنز کے شہر منیلا میں جو فریزر کو 14 راؤنڈز میں شکست دی تھی۔ محمد علی کے آفیشل ٹوئٹر اکاؤنٹ سے اس بارے میں ٹویٹ بھی کی گئی ہے۔

On this day in 1975, Muhammad Ali fought Joe Frazier for the third and final time for the “Thrilla in Manila.” Ali won after 14 rounds, when Frazier’s trainer stopped the fight. #MuhammadAli #JoeFrazier #HeavyweightChampionship #ThrillainManila #Boxing #Icon #Legend pic.twitter.com/01fj9ktdEC

— Muhammad Ali (@MuhammadAli) October 1, 2021

بون ہیمس نے مزید کہا کہ محمد علی کے مصوری کے شوق کے بارے میں لوگ کم ہی جانتے ہیں مگر وہ لڑائی یا ٹریننگ سیشن کے بعد مصوری کرکے خود کو پُرسکون محسوس کرتے تھے۔

لوگ بہت زیادہ پرجوش ہیں کیونکہ کوئی نہیں جانتا تھا کہ محمد علی ایک آرٹسٹ بھی ہیں اور ان کے فن پاروں کے متعلق بھی کسی کو نہیں معلوم۔

محمد علی کی یہ پینٹنگز روڈنی ہلٹن براؤن نے فروخت کے لیے پیش کی ہیں جنہوں نے علی کے ساتھ مصوری کی تھی۔

سابق ورلڈ ہیوی ویٹ چیمپیئن محمد علی 2016 میں 74 برس کی عمر میں پارکنسنسز بیماری کی وجہ سے انتقال کرگئے تھے۔