ایک سال میں مہنگائی کی شرح میں 12.42 فیصد ریکارڈ اضافہ، ادارہ شماریات

ایک سال کے دوران مہنگائی کے بڑھنے کی شرح 12 اعشاریہ 42 فیصد رہی، ٹماٹر، خوردنی تیل، گھی، گوشت، دالیں، سبزیاں ، تعلیم، علاج معالجہ، کپڑے، ایندھن، بجلی، گیس اور پٹرول کے دام بڑھتے رہے اور عوام کی قوت خرید کو کچلتے رہے۔

پاکستان شماریات بیورو نے مہنگائی کے ماہانہ اعدادوشمار جاری کردیئے ہیں، جن کے تحت ایک ماہ میں مہنگائی میں 1 اعشاریہ 15 فیصد کا اضافہ ہو گیا۔

ادارہ شماریات کے مطابق مہنگائی کی مجموعی شرح 12.24 فیصد تک پہنچ گئی۔ ادارہ شماریات کے مطابق فروری 2021 میں مہنگائی کی شرح 8.7 فیصد تھی۔

یہ بھی پڑھیے

پیٹرول اور بجلی کی قیمتوں میں ریلیف کیسے فراہم کیا؟ ماہر معشیات نے بتادیا

اوگرا کا مارچ کےلیے ایل پی جی کی قیمت میں 27 روپے اضافے کا اعلان

ادارہ شماریات سالانہ بنیادوں پر مہنگائی میں 3.54 فیصد کا اضافہ ریکارڈ کیا گیا، ادارہ شماریات کے مطابق رواں مالی سال جولائی تا فروری مہنگائی کی شرح 10.52 فیصد رہی۔

ادارہ شماریات ایک سال میں ٹماٹر کی قیمت میں مجموعی طور پر 310  فیصد سے زائد کا اضافہ ہوا، ادارہ شماریات کے مطابق ایک سال میں خوردنی تیل کی قیمت میں 41.03 فیصد کا اضافہ ہوا، ادارہ شماریات کے مطابق ایک سال میں ویجیٹیبل گھی 38.82 فیصد مہنگا ہوا۔

ادارہ شماریات ایک سال میں دال مسور 38.42 فیصد مہنگی ہوئی، ادارہ شماریات ایک سال میں سبزیوں کی قیمت میں 33.31 فیصد کا اضافہ ہوا۔

ادارہ شماریات کے مطابق ایک سال میں گوشت 23.64 فیصد مہنگا اور چاول 11.89 فیصد مہنگے ہوئے، ادارہ شماریات کے مطابق شہری علاقوں میں جنوری 2022 کے مقابلے میں فروری میں ٹماٹر 191.72 فیصد مہنگے ہوئے۔

ادارہ شماریات کے مطابق مرغی کی قیمت 11.61 فیصد اور سبزیاں 10.69 فیصد مہنگی ہوئیں، ادارہ شماریات کے مطابق ایک ماہ میں پھل 7.32 فیصد اور مسٹرڈ آئل 5.33 فیصد مہنگا ہوا۔

ادارہ شماریات کے مطابق ویجیٹیبل گھی 2.68 فیصد اور کوکنگ آئل 2.37 فیصد مہنگا ہوا، ادارہ شماریات دیہی علاقوں میں ایک ماہ میں ٹماٹر 198.35 فیصد مہنگے ہوئے۔

ادارہ شماریات کے مطابق دیہی علاقوں میں ایک ماہ مرغی کی قیمت میں 8.73 فیصد کا اضافہ ہوا، ادارہ شماریات کے مطابق دیہی علاقوں میں سبزیاں 10.69 فیصد اور کوکنگ آئل 3.74 فیصد مہنگا ہوا۔