بابر اعظم ایک ہی دن میں آئی سی سی کے 2 بڑے اعزازات لے اڑے

پاکستان کرکٹ ٹیم کے کپتان اور مایہ ناز بلے باز بابر اعظم نے ایک دن میں انٹرنیشنل کرکٹ کونسل(آئی سی سی) کے بڑے اعزازات اپنے نام کرکے ناقدین کو منہ توڑ جواب دیدیا۔

آئی سی سی نے بابراعظم کو ون ڈےکرکٹر آف دی ایئر2022 کے ایوارڈ سے نوازنے کے بعد سر گارفیلڈسوبرزکرکٹر آف دی ایئر 2022کے ایوارڈ سے بھی نوازدیا۔

یہ بھی پڑھیے

بابر اعظم آئی سی سی ون ڈے ٹیم کے کپتان مقرر، ٹیسٹ ٹیم میں بھی جگہ بنالی

”سب ستارے ہمارے“ پی ایس ایل 8 کا سلوگن اور لوگو جاری

 بابراعظم سر گار فیلڈ سوبرٹرافی جیتنے والے دوسرے پاکستانی کرکٹر بن گئے ہیں۔اس سے قبل یہ ایوارڈ 2021 میں فاسٹ بولر شاہین شاہ آفریدی نے اپنے نام کیا تھا۔

Double delight for Babar Azam 🤩

After being named the ICC Men’s ODI Cricketer of the Year, the Pakistan star bags the Sir Garfield Sobers Trophy for the ICC Men’s Cricketer of the Year 👏#ICCAwards

— ICC (@ICC) January 26, 2023

آئی سی سی نے اپنے ٹوئٹر ہینڈل پر بابر اعظم کیلیے سر گارفیلڈسوبرز ایوارڈ کا اعلان کرتے ہوئے لکھاکہ”بابر اعظم کے لیے دہری خوشی  ،آئی سی سی مینز ون ڈے کرکٹر آف دی ایئر نامزد ہونے کے بعد  پاکستانی اسٹار نے آئی سی سی مینز کرکٹر آف دی ایئر کے لیے سر گارفیلڈ سوبرز ٹرافی جیت لی“۔

Domination 👊

For the second year in a row, the Pakistan star has taken home the ICC Men’s ODI Cricketer of the Year Award 👏#ICCAwards

— ICC (@ICC) January 26, 2023

اس سے قبل آئی سی سی نے کپتان بابراعظم کو 2022 میں 9 ون ڈے میچز میں 84.87 کی اوسط اور 3 سنچریز کی مدد سے 679رنز اسکور کرنے پر ون ڈے پلیئر آف دی ایئر 2022 نامزد کیا تھا۔واضح رہے کہ بابر اعظم لگاتار دوسری بار یہ ایوارڈ جیتنے والے پہلے پاکستانی کھلاڑی بن گئے ہیں۔

Captain of ICC Men’s ODI Team of the Year ✅
ICC Men’s Test Team of the Year ✅
ICC Men’s ODI Cricketer of the Year ✅
Sir Garfield Sobers Trophy for the ICC Men’s Cricketer of the Year ✅

Pakistan captain Babar Azam! 🌟#ICCAwards pic.twitter.com/VrJ87kxNu5

— Pakistan Cricket (@TheRealPCB) January 26, 2023

سال 2022 کو کرکٹ کے حوالے سے بابر اعظم کا سال قرار دیا جائے تو کچھ غلط نہ ہوگا۔آئی سی سی نے رواں ہفتے ہی آئی سی سی ون ڈے ٹیم کا کپتان اور ٹیسٹ ٹیم میں بطور بلے باز شامل کیا تھا۔ پی سی کے ٹوئٹر ہینڈل سے بابراعظم کو منفرد انداز میں مبارکباد دی گئی ہے۔