ایک سے زائد شادی کےشرعی حق کا غلط استعمال روکنا ہوگا،مصری عالم

مصر کی معروف دینی درس گاہ جامعۃ الازہر کے شیخ ڈاکٹر احمد الطیب نے مردوں کو ایک سے زائد شادی سے خبردار کرتے ہوئے مشورہ دیا ہے کہ مرد ایک بیوی پر اکتفا کریں کیوں کہ اکثر دوسری شادی، بیوی اور بچوں پر ظلم کا باعث بنتی ہے۔

کہتے ہیں کہ ایک سے زائد شادی کے حق کے غلط استعمال کو روکنا ہوگا۔

یہ بھی پڑھیے

پہلی بیوی ، شوہر کی دوسری شادی کو چیلنج کر سکتی ہے، لاہور ہائی کورٹ

دوسری شادی کریں اور ایک کروڑ حاصل کریں

عرب میڈیا کے مطابق ایک انٹرویو میں شیخ الجامعہ ڈاکٹر احمد الطیب نے کہا کہ ایک سے زائد شادی سے متعلق آیات کو ان  کے حقیقی تناظر میں انتہائی تدبر کے ساتھ پڑھنا اور سمجھنا چاہیے۔

 ڈاکٹر احمد الطیب نے ایک سے زائد شادی کے قائل افراد  کو شدید غلط فہمی کا شکار قرار دیدیا۔انہوں نے کہا کہ  ایک بیوی کی موجودگی میں دوسری شادی کی آزادی نہیں البتہ صرف ٹھوس وجوہات پر ہی مردوں کو مشروط اجازت دی جاسکتی ہے۔

ڈاکٹر احمد الطیب نے  واضح کیا کہ دوسری شادی کرنا  مرد  کا شرعی حق ہے اور وہ  اسے حرام قرار نہیں دے رہے اور نہ ہی اس پر پابندی عائد کرنا چاہ رہے ہیں تاہم وہ اس شرعی حق کو غلط انداز میں استعمال کرنے کے شدید خلاف ہیں۔

ڈاکٹر احمد الطیب کا مزید کہنا تھا کہ دوسری شادی اکثر بیوی اور بچوں پر ظلم کا باعث بنتی ہے اس لیے ایک سے زائد شادی کے شرعی حق کے غلط استعمال کے حق کو روکنا ہوگا۔