عامر لیاقت کے پوسٹمارٹم کے حکم پر بشریٰ اقبال کی جذباتی پوسٹ

ٹیلی وژن کے معروف میزبان اور سیاستدان مرحوم عمر لیاقت حسین کی سابقہ اہلیہ بشریٰ اقبال نےعدالتی حکم کے تناظر میں پوسٹ مارٹم کے تکلیف دہ مراحل کی تفصیلات شیئر کرتے ہوئے مرحوم کے مداحوں سے رائے طلب کرلی۔

بشریٰ اقبال نے مرحوم عامر لیاقت  حسین کے پوسٹمارٹم کے لیے عدالت کا رخ کرنے والے شہری کو بھی آڑے ہاتھوں لے لیا۔

یہ بھی پڑھیے

عدالت نے ڈاکٹر عامر لیاقت کا پوسٹ مارٹم کروانے کا حکم دے دیا

کفن میلا ہونے سے پہلے ہی عامر لیاقت کی وراثت کا تنازع کھڑا ہوگیا

بشریٰ اقبال نے اپنے ٹوئٹ میں لکھا کہ کیا آپ سب جو مرحوم عامر لیاقت کے مداح  اور چاہنے والے ہیں ،اس بات کے حق میں ہیں کہ عامر کا جسم پوسٹ مارٹم کے اس طریقہ کار سے گزرے ؟ ان کی روح کو یہ اذیت دےکراپنی تسلی چاہتے ہیں؟

انہوں نے لکھا کہ شریعت مطہرہ ہی اس قبیح عمل، مردے کی چیر پھاڑ اور قبر کشائی کی اجازت نہیں دیتی۔اللہ سب دیکھ رہا ہے۔

کیا آپ سب جو مرحوم عامر لیاقت کے فین اور چاہنے والے ہیں پوسٹ مارٹم کے اس طریقہ کار سے عامر کا جسم گزرے اس کے حق میں ہیں؟ ان کی روح کو یہ اذیت دےکر اپنی تسلی چاہتے ہیں ؟ شریعت مطہرہ ہی اس قبیح عمل، مردے کی چیر پھاڑ اور قبر کشائی کی اجازت نہیں دیتی۔اللہ سب دیکھ رہا ہے#AamirLiaquat pic.twitter.com/Plx2sGysSc

— Dr Bushra Iqbal🇵🇰 (@DrBushraIqbal) June 18, 2022

بشریٰ اقبال نے مزید لکھا کہ  جنہوں نے پوسٹ مارٹم کروانے اور عامر کو انصاف دلوانے کا دعویٰ کیا ہے وہ اس وقت کہاں تھے جب وہ خود انصاف مانگ رہے تھے اور ان کی عزت کو تار تار کیا گیا۔

انہوں نے بتایا کہ  وہ (عامرلیاقت) اُس قبیح حرکت کی وجہ سے شدید ذہنی دباؤ کا شکار تھے کہ جہاز سے سفر تک نہ کر پا رہے تھے۔واضح رہے کہ کراچی کی مقامی عدالت نے شہری کی درخواست پر موت  کی وجہ جاننے کیلیے پوسٹ مارٹم کرانے کا حکم دے رکھا ہے۔