پارلیمان میں فساد سے سیاستدانوں کا وقار کم ہوتا ہے، فواد چوہدری
وفاقی وزیر اطلاعات فواد چوہدری نے ٹویٹ کرتے ہوئے نئے سال کا پیغام دیا کہ حکومت اور اپوزیشن تلخیاں کم کرے اور ملکی معاملات کیلیے گفتگو کرے۔
![فواد چوہدری](https://news360.tv/wp-content/uploads/2022/01/فواد-چوہدری.jpg)
وفاقی وزیر اطلاعات فواد چوہدری نے نئے سال کے موقع پر ٹویٹ کرتے ہوئے مثبت پیغام دیا اور کہا کہ ہمیں تلخیاں کم کرنے اور بات چیت کرنے کی ضرورت ہے۔
سال 2022 نئے سال کے آغاز پر سمجھتا ہوں ہمیں تلخیاں کم کرنے کی ضرورت ہے،حکومت اور اپوزیشن الیکشن، معیشت، سیاسی اور عدالتی اصلاحات کیلئےگفتگو کریں پاکستان ایک عظیم ملک ہے ہمیں اپنی ذمہ داریوں کے احساس کی ضرورت ہے پارلیمان میں فساد عام آدمی کی نظر میں سیاستدانوں کا وقار کم کرتا ہے
— Ch Fawad Hussain (@fawadchaudhry) January 1, 2022
ان کا کہنا تھا کہ پاکستان عظیم ملک ہے، پارلیمان میں فساد عام آدمی کی نظر میں سیاستدانوں کا وقار کم کرتا ہے۔
یہ بھی پڑھیے
نیا سال:ماہرہ خان نے نوعمری کی ویڈیوز شیئر کردی
نیشنل سیونگ سینٹر کا نئے سال پر صارفین کو نیا تحفہ دینے کا اعلان
یہ بات فواد چوہدری نے خاص طور پر چند دن قبل منی بجٹ کے دوران پارلیمنٹ میں ہونے والی ہنگامہ آرائی کے تناظر میں کہی جس میں حکومتی رکن غزالہ سیفی کی انگلی ٹوٹ گئی تھی۔
اپوزیشن اور حکومت دونوں کو ملک کی ترقی اور خوشحالی کے لیے، مسائل کو حل کرنے کے لیے مل بیٹھ کر کام کرنا چاہیے، ایسا انداز ضرور اپنانا چاہیے کہ لگے کہ ہاں یہ پارلیمینٹیرینز ہیں، ایسا نہ لگے کہ غنڈے بدمعاش ایوانوں میں پہنچ گئے ہیں۔