شفافیت کے سرٹیفکیٹ بانٹنے والی ٹرانسپیرنسی انٹرنیشنل خود ہی غیرشفاف نکلی

وزیراعظم کے معاون خصوصی برائے سیاسی امور ڈاکٹر شہباز گل نے ٹویٹ کرتے ہوئے بتایا کہ جب ٹی وی ٹیم ٹرانسپیرنسی انٹرنیشنل کا انٹرویو کرنے گئی تو اسے دفتر میں داخلے کی اجازت نہ ملی۔

یہ پڑی ہے ساری کی ساری ٹرانپرینسی انٹرنیشنل۔ جب ٹی وی ٹیم وہاں گئی تو آگے سے جواب ملا کہ عادل گیلانی صاحب نے اندر جانے کی اجازت نہیں دی۔

جی یہ وہی عادل گیلانی ہیں جن کو نواز شریف نے سربیا میں سفیر مقرر کیا تھا۔ سو جو عادل گیلانی کی رپورٹ ہے اسے آپ شریف خاندان کی لکھی سمجھیں pic.twitter.com/TcFIwBT976

— Dr. Shahbaz GiLL (@SHABAZGIL) January 25, 2022

خیال رہے کہ ٹرانسپیرنسی انٹرنیشنل نے حال ہی میں ایک نہایت متنازع رپورٹ شائع کی ہے جس کے مطابق کرپشن انڈکس میں پاکستان 124 درجے سے تنزلی کے بعد 140 نمبر پر آ چکا ہے۔

یہ بھی پڑھیے

پاکستان نے کرپشن میں 16 درجے مزید ترقی کرلی، ٹرانسپيرنسي انٹرنيشنل

پی ٹی آئی کی کرپشن ثابت ہوچکی عوام انصاف کی منتظر ہے، مریم نواز

اسی وجہ سے نجی ٹی وی اے آر وائی کی رپورٹنگ ٹیم کراچی میں ٹرانسپیرنسی انٹرنیشنل کے دفتر پہنچی تاکہ جائزہ لیا جا سکے کہ یہ ادارہ کس طرح اپنی رپورٹس مرتب کرتا ہے۔

حکومت کی شفافیت پر رپورٹ تیار کرنے والے ادارے نے غیرشفاف طریقہ اپناتے ہوئے ٹی وی ٹیم کو دفتر میں آنے کی اجازت ہی نہ دی۔

شہباز گل نے اپنی ٹویٹ میں یہی کہا ہے کہ ٹرانسپیرنسی انٹرنیشنل کے سربراہ عادل گیلانی کو سابق وزیراعظم نواز شریف نے  سربیا میں پاکستان کا سفیر تعینات کیا تھا۔