گورنر سندھ نے مستحقین کیلیے عطیہ کردہ موٹرسائیکلیں صحافیوں میں بانٹ دیں

گورنر سندھ عمران اسماعیل نے خیراتی ادارے کی جانب سے مستحقین کیلیے عطیہ کی گئی موٹرسائیکلیں من پسند صحافیوں میں بانٹ دیں۔ سینئر صحافی فیض اللہ خان نے گورنر ہاؤ س سے جاری کردہ فہرست سوشل میڈیا پر شیئر کردیں۔

گورنر سندھ کی جانب سے مستفید ہونے والے 15 صحافیوں کی فہرست میں شامل 7 صحافیوں نے موٹرسائیکل وصول کرنے سے انکا رکردیا۔

یہ بھی پڑھیے

گورنر سندھ نے غیرقانونی عمارتوں کی ریگولائزیشن کا آرڈیننس مسترد کردیا

جرنلسٹس پروٹیکشن بل پر گورنر سندھ کے بظاہر جائز اعتراضات

اے آر وائی سے وابستہ سینئر صحافی فیض اللہ خان نے اپنے ٹوئٹ میں  گورنر ہاؤس سے جاری کردہ صحافیوں کی فہرست اور موٹرسائیکلوں کی تصویر شیئر کرتے ہوئے لکھا کہ گورنر صاحب کا شکریہ کہ انہوں صحافیوں میں موٹر سائیکلیں بانٹیں جنہوں نے لیں انہیں مبارکباد اور جس فلاحی ادارے نے عمران اسماعیل کے کہنے پہ کیا اسکا اور اسے چندے صدقے دینے والوں کا دو بار شکریہ۔

گورنر صاحب کا شکریہ کہ انہوں صحافیوں میں موٹر سائیکلیں بانٹیں جنہوں نے لیں انہیں مبارکباد اور جس فلاحی ادارے نے عمران اسماعیل کے کہنے پہ کیا اسکا اور اسے چندے صدقے دینے والوں کا دو بار شکریہ pic.twitter.com/4YgSrDFFZ8

— Faizullah Khan (@FaizullahSwati) January 29, 2022

فیض اللہ خان کی  پوسٹ پر تبصرہ  کرتے ہوئے ایکسپریس نیوز کراچی کے بیورو چیف فیصل حسین نے وضاحت کرتے ہوئے لکھا کہ”  فیض بھائی گورنر ہاؤس نے بہت زیادتی کی ہے،  میری اس  فہرست  میں شامل کئی صحافیوں سے بات ہوئی ہے ،  ان کے مطابق گورنر ہاؤس کے پی آر او نے یہ پیشکش ضرور کی تھی مگر انہوں نے واضح لفظوں میں منع کردیا تھا اس کے باوجود ان کا نام اس فہرست  میں شامل کیا گیا“۔

فیض بھائی گورنر ہاؤس نے بہت زیادتی کی میری اس لسٹ میں شامل کئی صحافیوں سے بات ہوئی ان کے مطابق گورنر ہاؤس کے پی آر او نے یہ پیشکش خرور کی تھی مگر انھوں نے واضح لفظوں میں منع کردیا تھا اس کے باوجود ان کا نام اس لسٹ میں شامل کیا گیا گورنر ہاؤس نے انتہائی بے غیرتی کا ثبوت دیا ہے

— Syed Faisal Hussain (@sfaisal_hussain) January 29, 2022

فہرست میں موجود صحافیوں  وقاص باقر اور سنجے سادھوانی نے بھی گورنر ہاؤس سے موٹرسائیکل وصول کرنے کی تردید کردی۔انہوں نے فیض اللہ خان کو مخاطب کرتے ہوئے لکھا کہ  ”نا میں نے ایسی کوئی بائیک لی ہے نا میں نے ایسی کسی بائیک کے لئے کسی کو کوئی درخواست دی ہے نا کسی کو کہا ہے ۔ یہ لسٹ آپ کو کس نے فراہم کی ہے ؟ کون آپ کو کن مقاصد کے لئے استعمال کر رہا ہے ؟ اس قسم غلط معلومات یا نام شیئر آپ انتہائی بے ہودہ الزام لگا رہے ہیں“۔

سر گورنر ہاوس کو مورد الزام ٹھہرانے کی ضرورت نہیں اصل پارسائی کےامام بننےوالے کو شرم و احساس دلانے کی ضرورت ہے

— Waqas Baqar (@waqasbaqarnaqvi) January 29, 2022

نا میں نے ایسی کوئی بائیک لی ہے نا میں نے ایسی کسی بائیک کے لئے کسی کو کوئی درخواست دی ہے نا کسی کو کہا ہے ۔ یہ لسٹ آپ کو کس نے فراہم کی ہے ؟ کون آپ کو کن مقاصد کے لئے استعمال کر رہا ہے ؟ اس قسم غلط معلومات یا نام شیئر آپ انتہائی بے ہودہ الزام لگا رہے ہیں

— sanjay sadhwani, سنجے سادھوانی ، संजय साधवानी (@sanjaysadhwani2) January 29, 2022

روزنامہ دنیا سے وابستہ سینئر صحافی عبدالجبار ناصر نے لکھا کہ فہرست میں شامل بعض تو واقعی سفید پوش اور ضرورت مند ہیں مگر کچھ کے نام دیکھ کر پاکستان کو کرپشن سے پاک کرنےکی تحریک چلا کر اس کے نام پر براجمان عمران اسماعیل کے انصاف پر افسوس ہوا۔

فیض بھائی!
فہرست میں شامل بعض تو واقعی سفید پوش اور ضرورت مند ہیں، مگر کچھ کے نام دیکھکر پاکستان کو کرپشن سے پاک کرنے تحریک چلا کر اس کے نام پر براجمان @ImranIsmailPTI کے انصاف پر افسوس ہوا۔

— Abdul Jabbar Nasir (@ajnasir) January 29, 2022

سینئر صحافی عفت حسن رضوی نے فیض اللہ خان کی پوسٹ پر تبصرہ کرتے ہوئے لکھا کہ”ایسی لسٹیں ماضی میں بھی جاری ہوتی رہی ہیں جن میں پلاٹ، پیسے، ائیر ٹکٹ لینے والے صحافیوں کے نام/اکاؤنٹ نمبر تھے پھر دینے والے اور لینے والوں دونوں نے لیک لسٹ کو جھوٹ اور صحافت کے خلاف پراپگنڈا قرار دیا۔ موٹر سائیکل لسٹ کے حوالے سے آپ کی تحقیق کیا کہتی ہے فیض اللہ صاحب؟“۔

ایسی لسٹیں ماضی میں بھی جاری ہوتی رہی ہیں جن میں پلاٹ، پیسے، ائیر ٹکٹ لینے والے صحافیوں کے نام/اکاؤنٹ نمبر تھے پھر دینے والے اور لینے والوں دونوں نے لیک لسٹ کو جھوٹ اور صحافت کے خلاف پراپگنڈا قرار دیا۔ موٹر سائیکل لسٹ کے حوالے سے آپ کی تحقیق کیا کہتی ہے فیض اللہ صاحب؟ https://t.co/8rt5knaeJw

— Iffat Hasan Rizvi (@IffatHasanRizvi) January 29, 2022

اس پر سنجے سادھوانی نے ایک مرتبہ پھر موٹرسائیکل وصول کرنے کی سختی سے تردید کرتے ہوئے لکھا کہ  ”نا میں نے یہ بائیک لی ہے نا درخواست دی ہے ، نا کسی سے کبھی کوئی مراعات مانگی ہیں۔ نہ گورنر ہاؤس میری بیٹ ہے، بلاوجہ نام ڈال کر بدنام کرنے کی سازش کی جا رہی ہے ۔ ایسے بھونڈے لگانے والوں کو شرم آنی چاہیے“۔

اس لسٹ میں میرا اور @waqasbaqarnaqvi اور دیگر کچھ دوستوں کا نام شامل ہے ۔ نا میں نے یہ بائیک لی ہے نہ درخواست دی ہے ، نہ کسی سے کبھی کوئی مراعات مانگے ہے۔ نہ گورنر ہاؤس میری بیٹ بلاوجہ نام ڈال بدنام کرنے کی سازش کی جا رہی ہے ۔۔ ایسی بھونڈے لگانے والوں کو شرم آنے چاہیے https://t.co/2qIdg7e2M1

— sanjay sadhwani, سنجے سادھوانی ، संजय साधवानी (@sanjaysadhwani2) January 29, 2022

سنجے سادھوانی کے جواب پر  عفت حسن رضوی نے سوال اٹھا یا کہ”یعنی صحافیوں کو بدنام کرنے کی یہ کوشش گورنر سندھ ہاوس کی جانب کی جارہی ہے؟“۔

یعنی صحافیوں کو بدنام کرنے کی یہ کوشش گورنر سندھ ہاوس کی جانب کی جارہی ہے؟

— Iffat Hasan Rizvi (@IffatHasanRizvi) January 29, 2022

عرب نیوز سے وابستہ سینئر صحافی نعمت خان نے عفت رضوی کی پوسٹ پر تبصرے میں سنجے سادھوانی کو مخاطب  کرتے ہوئے لکھا کہ یہ فہرست گورنر ہاؤس سے فیض اللہ کو ملی ہے اس لسٹ میں شامل بعض صحافیوں نے باقاعدہ آج تقریب میں بائیکس کی چابیاں بھی وصول کی ہیں۔ آپ کو چاہیے کہ آپ اس کا پتہ چلائیں کہ آپ کو بدنام کرنے کے لیے کس نے آپ کا نام اس فہرست میں شامل کیا ہے۔

سنجے یہ فہرست گورنر ہاؤس سے فیض اللہ کو ملی ہے اس لسٹ میں شامل بعض صحافیوں نے باقاعدہ آج تقریب میں بائیکس کی چابیاں بھی وصول کی ہیں۔ آپ کو چاہیے کہ آپ اس کا پتہ چلائیں کہ آپ کو بدنام کرنے کے لیے کس نے آپ کا نام اس فہرست میں شامل کیا ہے۔

— Naimat Khan (@NKMalazai) January 29, 2022

سنجے سادھوانی نے گورنر ہاؤس کے ترجمان سے کئی گئی واٹس ایپ چیٹس کے اسکرین شاٹس شیئر کرتے ہوئے لکھا کہ یہ گورنر ہاؤس کے ترجمان ہیں جو اس قسم کے پیپر کی تردید کر رہے ہیں ۔ فیض اللہ خان کس کے ہاتھوں استعمال ہوکر ہمیں بدنام کر رہا ہے یہ بتانا ہوگا ۔ کیونکہ نہ ہم نے بائیک لی ہے نہ درخواست دی ہے نہ شوق ہے ۔ گورنر ہاؤس تردید کر رہا ہے، آپ کو فہرست کس نے دی ؟ کون آپ کو ہمارے خلاف استعمال کر رہا ہے؟

یہ گورنر ہاؤس کے ترجمان ہیں جو اس قسم کے پیپر کی تردید کر رہے ہیں ۔ فیض اللہ خان کس کے ہاتھوں استعمال ہوکر ہمیں بدنام کر رہا ہے یہ بتانا ہوگا ۔ کیونکہ نہ ہم نے بائیک لی ہے نہ درخواست دی ہے نہ شوق کے ۔ گورنر ہاؤس تردید کر رہا ہے کس نے دی کون آپکو ہمارے خلاف استعمال کر رہا ہے؟ pic.twitter.com/loPiu4KlR0

— sanjay sadhwani, سنجے سادھوانی ، संजय साधवानी (@sanjaysadhwani2) January 29, 2022

اس پر جواب دیتے ہوئے فیض اللہ خان نے   لکھا کہ  ”سنجے مجھے تمہیں بدنام کرنے کی کوئی ضرورت نہیں، نام میں نے نہیں ڈالا فہرست گورنر ہاؤس سے ہی میں نے حاصل کی سورس نہیں بتاسکتا بقیہ انکوائری تو بہت اچھی بات ہے کہ تمہارا وقاص کا نام اس فہرست میں کس نے ڈالا پتہ چل جائیگا باقی آج کی تقریب میں 7 صحافیوں نے بائیکس کی چابیاں وصول کی ہیں“۔

سنجے مجھے تمہیں بدنام کرنے کی کوئی ضرورت نہیں، نام میں نے نہیں ڈالا فہرست گورنر ہاؤس سے ہی میں نے حاصل کی سورس نہیں بتاسکتا بقیہ انکوائری تو بہت اچھی بات ہے کہ تمہارا وقاص کا نام اس فہرست میں کس نے ڈالا پتہ چل جائیگا باقی آج کی تقریب میں 7 صحافیوں نے بائیکس کی چابیاں وصول کی ہیں https://t.co/2wRWmoAxVO

— Faizullah Khan (@FaizullahSwati) January 29, 2022

بعدازاں فیض اللہ خان نے اپنے وضاحتی ٹوئٹ میں وقاص اور سنجے سادھوانی سمیت موٹرسائیکل وصول نہ کرنے والے  7 صحافیوں سے معذرت بھی کی۔

وقاص و سنجےسمیت ان7 دوستوں جنہوں نے گورنر ہاؤس سے بائیک نہیں لی انکے نام کی لسٹ لگانے دل آزاری پہ انتہائی معذرت،جنہوں نے لیں نام انکا بھی نہیں لکھنا تھابعض واقعی ضرورت مند تھے،گورنرعمران اسماعیل نے مدد کرنی تھی تو خاموشی سےکرتے یوں تشہیر نہ کرتے@waqasbaqarnaqvi @sanjaysadhwani2

— Faizullah Khan (@FaizullahSwati) January 31, 2022

سینئر صحافی اور کراچی پریس کلب کے صدر رضوان بھٹی نے وضاحت کی کہ گورنر ہاؤس سے تقسیم کی جانے والی موٹرسائیکلیں میمن لیڈرشپ فورم نے فراہم کی تھیں۔

ایک اور وضاحت یہ بائیکس میمن لیڈرشپ فورم نے دیں تھیں

— M Rizwan Bhatti (@mrizwanbhatti) January 31, 2022