پاکستانی ایتھلیٹس نے ایشین جوجٹسو چیمپین شپ بنکاک میں چاندی کا تمغہ جیت لیا

پاکستانی جوجٹسو ایتھلیٹس نے ایشین جوجٹسو چیمپین شپ بنکاک میں چاندی کا تمغہ جیت کر پاکستان کو نام روشن کردیا۔

کراچی: پاکستانی کھلاڑیوں نے 25 سے 28 فروری 2023 تک بنکاک، تھائی لینڈ میں Ju-Jitsu ایشین یونین (JJAU) کے زیراہتمام منعقد ہونے والی 7ویں ایشین جوجٹسو چیمپئن شپ 2023 کے دوران چاندی کا تمغہ جیت کر اپنی زبردست مہارت کا مظاہرہ کیا۔

پاکستان جوجٹسو فیڈریشن (پی جے جے ایف) کے جنرل سیکرٹری طارق علی کے مطابق اس میگا ایونٹ میں 30 ممالک سے کل 581 ایتھلیٹس نے شرکت کی ، جبکہ پاکستان نے فنڈز کی کمی کی وجہ سے صرف 3 کھلاڑیوں کو میدان میں اتارا۔

یہ بھی پڑھیے

لاہور قلندرز کا جادو چل گیا،اسلام آباد یونائیٹڈ201رنز کے تعاقب میں 90رنز پر ڈھیر

امید ہے کراچی کی شکست کا بدقسمت سلسلہ آخر کارختم ہوگیا، ہمایوں سعید

اسرا وسیم اور کائنات عارف نے ڈو ومین کی کیٹیگری میں چاندی کا تمغہ جیتا اور دلاور خان سنان اور اسرا وسیم نے ڈو مکس کیٹیگری میں پانچویں پوزیشن حاصل کی۔

پاکستان جوجٹسو فیڈریشن کو ایشیا میں ڈو کیٹیگری میں بہترین تیسری نیشنل فیڈریشن کا ایوارڈ بھی ملا۔

انہوں نے کہا کہ PJJF نے ہمارے باصلاحیت کھلاڑیوں کی اس کامیابی پر دل کی گہرائیوں سے مبارکباد پیش کی ہے، جنہوں نے ہر بین الاقوامی فورم پر ہمیشہ ہمارا سر فخر سے بلند کیا ہے۔ اللہ تعالی کے فضل و کرم سے ہمارے کھلاڑیوں نے یہ تمغے جیتے ہیں۔

ان کی محنت اور لگن سے ہماری تربیت رنگ لائی ہے، انہوں نے اپنی صلاحیتوں کا لوہا منوایا ہے اور یہ تمغے جیتے ہیں۔

انہوں نے پی جے جے ایف کے کوچز کی محنت اور عزم کو بھی سراہا جنہوں نے ٹیم کو تربیت دی اور اپنی صلاحیتوں میں اضافہ کیا اور ہمارے چیمپئنز نے ایک بار پھر ہمارا فخر کیا ہے۔  پاکستانی کھلاڑیوں نے ان کیٹیگریز میں اپنی تمام بہترین ایشیائی ٹیموں کو آؤٹ کلاس کیا اور شکست دی۔

انہوں نے کراچی سینٹر میں اس میگا ایونٹ کے لیے قومی تربیتی کیمپ فراہم کرنے پر پاکستان اسپورٹس بورڈ کا بھی شکریہ ادا کیا کیونکہ یہ ہمارے قومی کھلاڑیوں کے لیے بہت مددگار رہا بے۔

انہوں نے مزید کہا کہ ہندوستان نے چمپئن شپ میں 30 انٹریز تھی جبکہ قازقستان اور تھائی لینڈ نے بالترتیب 70 اور 55 داخلے کیے تھے۔