پی ایس ایل 8 کا کوالیفائر: سلطانز نے قلندرز کو دھول چٹاکر فائنل میں جگہ بنالی

پی ایس ایل 8  کے کوالیفائر میں ملتان سلطانز  نے دفاعی چیمپئن لاہور قلندرز کوچاروں خانے چت کردیا اور 84 رنز سے شکست دیکر فائنل میں جگہ بنانے والی پہلی ٹیم بن گئی۔ 

ملتان سلطانز  کے 161رنز کے ہدف کے تعاقب میں  لاہور قلندرز کی پوری ٹیم 76 رنز پر ڈھیر ہوگئی۔

یہ بھی پڑھیے

چیئرمین پی سی بی کا نگراں وزیر اعلیٰ سے پی ایس ایل فائنل کی سیکیورٹی سخت کرنے کا مطالبہ

لاہور کے قذافی اسٹیڈیم میں کھیلے گئے میچ میں ملتان سلطانز کے کپتان محمد رضوان نے ٹاس جیت کر پہلے بیٹنگ کا فیصلہ کیا۔ ملتان سلطانز کی جانب سے محمد رضوان اور عثمان خان نے اننگز کا آغاز کیا مگر لاہور قلندرز کے بولرز  کی نپی تلی بولنگ کے آگے قلندرز بے بس نظر آئے۔

.@HarisRauf14 ka jadu ✨

First strike for @lahoreqalandars ⚡#HBLPSL8 | #SabSitarayHumaray | #LQvMS pic.twitter.com/40TKwrStHV

— PakistanSuperLeague (@thePSLt20) March 15, 2023

ملتان کو 53 رنز  پر نقصان اٹھانا پڑا  جب پی ایس ایل  میں  تیز ترین سنچری  جڑنے والے عثمان خان  28 گیندوں پر 29 رنز بنا کر حارث  رؤف کی گیند پر بولڈ ہوگئے۔

𝐏𝐎𝐋𝐋𝐀𝐑𝐃 𝐓𝐇𝐄 𝐁𝐈𝐆-𝐇𝐈𝐓𝐓𝐈𝐍𝐆 𝐌𝐀𝐂𝐇𝐈𝐍𝐄 💥

Giving the treatment to the Qalandars 💪#HBLPSL8 | #SabSitarayHumaray | #LQvMS pic.twitter.com/k2CfWGN3xq

— PakistanSuperLeague (@thePSLt20) March 15, 2023

رائیلی روسو بھی 13 رنز ہی بناسکے  جبکہ محمد رضوان بھی 29 گیندوں پر 33 رنز بنانے کے بعد   راشد خان کی گیند پر بولڈ ہو گئےتاہم وہ پی ایس ایل8 میں   500 رنز کا سنگ میل عبور کرنے میں کامیاب ہوگئے ۔کیرون پولارڈ نے 34 گیندوں پر 6 چھکوں کی مدد سے 57 رنز کی اننگز کھیلی جبکہ ٹم ڈیوڈ 22 رنز بنا کر ناٹ آؤٹ رہے۔ملتان سلطانز نے مقرررہ اوورز میں 5 وکٹوں کے نقصان پر 160رنز بنائے۔

While @lahoreqalandars bowlers breathed fire down the track, @MultanSultans worked hard to get to a total that works 🙌🏼 #HBLPSL8 | #SabSitarayHumaray | #LQvMS pic.twitter.com/7BiMFb5Cid

— PakistanSuperLeague (@thePSLt20) March 15, 2023

لاہور کی جانب سے حارث رؤف نے شاندار بولنگ کا مظاہرہ کرتے ہوئے 3 کھلاڑیوں کو آؤٹ کیا جبکہ زمان خان اور راشد خان کے حصے میں ایک ایک وکٹ آئی، کپتان شاہین شاہ آفریدی 4 اوورز میں 47 رنز دیکر وکٹ سے محروم رہے۔

Cottrell wrapping things up for Tahir Baig! #HBLPSL8 | #SabSitarayHumaray | #LQvMS pic.twitter.com/IAg78NrbAx

— PakistanSuperLeague (@thePSLt20) March 15, 2023

161رنز کے ہدف کے تعاقب میں  لاہور قلندرز کی جانب سے بھی اننگز کا آغاز مایوس کن رہا اوراوپنر آغا طاہر 15 رنز کے مجموعی اسکور پر آؤٹ ہوگئے، ایک گیند بعد عبداللہ شفیق بھی کوٹریل کی گیند پر ایل بی ڈبلیو قرار پائے جبکہ 19 کے مجموعی اسکور پر فخر زمان بھی انور علی کی گیند پر کلین بولڈ ہوگئے ۔

"OH YES” 🤤@realanwarali48 with a 𝙗𝙖𝙞𝙡 𝙩𝙧𝙞𝙢𝙢𝙚𝙧 🎯#HBLPSL8 | #SabSitarayHumaray | #LQvMS pic.twitter.com/22hh5NaiB8

— PakistanSuperLeague (@thePSLt20) March 15, 2023

شاہین شاہ آفریدی بھی 28 رنز پر کوٹریل کی گیند پر کیچ آؤٹ ہو گئے جبکہ 41 رنز پر حسین طلعت رن آؤٹ ہو گئے اور اس طرح قلندرز کی آدھی ٹیم دسویں اوور میں پویلین لوٹ گئی۔

The 𝐬𝐚𝐥𝐮𝐭𝐞𝐬 keep 🔛 coming for Cottrell 🫡#HBLPSL8 | #SabSitarayHumaray | #LQvMS pic.twitter.com/z3cEZ9C8U4

— PakistanSuperLeague (@thePSLt20) March 15, 2023

سکندر رضا کو کیرون پولارڈ نے عباس آفریدی کے ہاتھوں کیچ آؤٹ کرایا جبکہ سیم بلنگز 27 گیندوں پر 19 رنز کی اننگز کھیل کر احسان اللہ کا شکار بنے، راشد خان بھی بغیر کوئی رن بنائے پویلین لوٹ گئے۔

Oops 😬

Nothing going the Qalandars’ way ❌#HBLPSL8 | #SabSitarayHumaray | #LQvMS pic.twitter.com/HY6bwxiuHb

— PakistanSuperLeague (@thePSLt20) March 15, 2023

ڈیوڈ ویسا بھی صرف 12 رنز بنا سکے جبکہ حارث رؤف نے 15 رنز اسکور کیے، لاہور قلندرز کی جانب سے سیم بلنگز 19 رنز بنا کر نمایاں بلے باز رہے جبکہ ملتان سلطانز کی جانب سے شیلڈون کوٹریل نے 3، اسامہ میر نے 2 جبکہ انور علی، عباس آفریدی، احسان اللہ اور کیرون پولارڈ نے ایک ایک کھلاڑی کو آؤٹ کیا۔

Consistencyᵀᴹ 🙌

3️⃣rd consecutive final for @MultanSultans as @lahoreqalandars crash to the third-lowest HBLPSL total.#HBLPSL8 | #SabSitarayHumaray | #LQvMS pic.twitter.com/JMEGQq70Jq

— PakistanSuperLeague (@thePSLt20) March 15, 2023

ملتان سلطانز نے پی ایس ایل 8 کا کوالیفائر میچ جیتنے کے بعد فائنل میں رسائی حاصل کرلی جبکہ  آج اسلام آباد یونائیٹڈ اور پشاور زلمی کے درمیان کھیلے جانے والے پہلے ایلیمنیٹر کی فاتح ٹیم کیخلاف جمعے کو   دوسرا ایلیمنیٹر کھیلے گی اور اس میچ کی فاتح ٹیم اتوار کو فائنل میں ملتان سلطانز کا مقابلہ کرے گی۔