شعیب اختر کی 8 گھنٹے طویل آپریشن سے قبل قوم سے دعاکی اپیل

راولپنڈی ایکسپریس کے نام سے مشہورقومی کرکٹ ٹیم کے سابق فاسٹ بولر شعیب اختر نے 8 گھنٹے طویل آپریشن سے قبل قوم سے دعاؤں کی اپیل کردی۔

شعیب اختر نے اپنے ٹوئٹر ہینڈل پر ایک وڈیو شیئر کی ہے جس میں وہ اسپتال کے بسترپر مریضوں کے مخصوص لباس میں بیٹھے ہوئے ہیں۔

یہ بھی پڑھیے

بھارتی ڈر گئے، ایشیا کپ کیلیے اشتہار موقع موقع نہ بنانے کا فیصلہ

شعیب اختر نے وڈیومیں بتایا کہ” میں اپنے آخری آپریشن کیلیے تیار ہوں، یہ آپریشن میرے دونوں گھٹنوں کی جزوی تبدیلی کیلیے  کیاجارہا ہے“۔ انہوں نے کہا کہ ”اس سے قبل میرے5 آپریشن ہوچکے ہیں اور  امید ہے یہ میرا آخری آپریشن ثابت ہوگا“۔

Surgery time need lots of prayers !! pic.twitter.com/wsy1btkZeN

— Shoaib Akhtar (@shoaib100mph) August 6, 2022

انہوں نے کہا کہ ایک بار پھرکہنا چاہوں گا کہ پاکستان کیلیے کھیلنے اور تیز بولنگ کیلیے ان سرجریز کی قدر و قیمت تھی لیکن اس آپریشن کے بعدصحت یابی میں مجھے 2 سے 3 ہفتے درکار ہوں گے۔

شعیب اخترنے قوم سے ڈھیروں دعاؤں کی درخواست کرتے ہوئے کہا کہ” یہ 8 گھنٹے طویل سرجری ہوگی، جس میں  گھٹنے جزوی تبدیل کیے جائیں گے اور انہیں امید ہے کہ وہ بخیریت واپس آئیں گے۔انہوں کہا کہ میں یہ کروانا نہیں چاہتا تھا لیکن کچھ چیزیں کروانا پڑتی ہیں، بچوں کے ساتھ کھیلنا ہے تو گھٹنے ٹھیک کروانا پڑیں گے“۔