گریٹا اور ملالہ کے لیے اچھی خبریں

نوبیل انعام یافتہ ملالہ یوسف زئی اور ماحولیاتی تحفظ کی سرگرم نوجوان کارکن گریٹا تھنبرگ کے لیے حال ہی میں اچھی خبریں سامنے آئی ہیں۔

امریکی کانگریس نے پاکستان کی نوبیل انعام یافتہ ملالہ یوسف زئی کے نام پر ‘ملالہ یوسف زئی اسکالر شپ بل’ منظور کر لیاہے جس کی رو سے پاکستانی خواتین کوتعلیمی وظائف دیئے جائیں گے۔ ملالہ نے اِس بارے میں سماجی رابطوں کی ویب سائٹ ٹوئٹر پر پیغام جاری کیا ہے۔ گل مکئی نے امریکی کانگریس کا شکریہ ادا کرتے ہوئے کہا کہ وہ پاکستان میں اعلیٰ تعلیم کے 50 فیصد وظائف خواتین کو دیئے جانے کے فیصلے پر بےحد خوش ہیں۔

Thank you to @RepJeffries and the U.S. Congress for passing this legislation, mandating that at least 50% of @USAID‘s higher education scholarships in Pakistan will go to young women. I’m excited to see where they lead us. https://t.co/ub7OzOXT4Q

— Malala (@Malala) January 4, 2021

دوسری جانب گریٹا تھنبرگ نے اپنی اٹھارویں سالگرہ منائی۔ اس خوشی کے موقعے پرسوشل میڈیا صارفین نے انہیں مبارکباد دی۔ گریٹا نے بھی ٹوئٹ میں لوگوں کا شکریہ ادا کیا۔ تصویر شیئر کرتے ہوئے لکھا کہ اب وہ بالآخر آزاد ہیں۔

Thank you so much for all the well-wishes on my 18th birthday!

Tonight you will find me down at the local pub exposing all the dark secrets behind the climate- and school strike conspiracy and my evil handlers who can no longer control me!
I am free at last!! pic.twitter.com/w1VBG83VVN

— Greta Thunberg (@GretaThunberg) January 3, 2021

یہ بھی پڑھیے

برطانوی وزیراعظم کے والد فرانسیسی شہریت کے خواہشمند

گریٹا تھنبرگ اور ملالہ یوسف زئی دونوں نے دو اہم مسائل پر آواز بلند کی۔ لوگوں کی بڑی تعداد نے جہاں دونوں کی سوچ، جذبے اور بہادری کی داد دی وہیں انہیں تنقید کا نشانہ بھی بنایا گیا۔ اب ایک عرصے بعد ان دونوں خواتین کے لیے اچھی خبریں سامنے آئیں۔

واضح رہے کہ یہ دونوں خواتین ایک دوسرے سے ملاقات بھی کرچکی ہیں۔ ملالہ نے 25 فروری 2020 کو گریٹا کے ساتھ آکسفورڈ یونیورسٹی کے ایک بینچ پر بنائی گئی تصویر ٹوئٹر پر شیئر کی تھی۔

She’s the only friend I’d skip school for. pic.twitter.com/uP0vwF2U3K

— Malala (@Malala) February 25, 2020

دوسری جانب گریٹا تھنبرگ نے ملالہ یوسف زئی کو اپنا رول ماڈل بھی قراردیا تھا۔

So… today I met my role model. What else can I say? @Malala pic.twitter.com/n7GnXUngov

— Greta Thunberg (@GretaThunberg) February 25, 2020

واضح رہے کہ 2014 میں ملالہ کو نوبیل امن انعام سے نوازا گیا جبکہ تھنبرگ کو 2019 اور2020 میں امن کے نوبیل انعام کے لیے نامزد کیا گیا تھا۔