رمیز راجہ بھی رضوان اور بابر اعظم کی تعریف کئے بغیر نہ رہ سکے

پاکستان کرکٹ بورڈ (پی سی بی) کے چیئرمین رمیز راجہ نے پاکستان اور ویسٹ انڈیز کے مابین کھیلے گئے میچز میں بہترین پرفارمنس پر پاکستانی کرکٹ ٹیم کے مایہ ناز بلے باز بابر اعظم اور رضوان کی تعریفوں کے پل باندھنا شروع کردیئے۔

سماجی رابطے کی ویب سائٹ ٹوئٹر پر ٹوئٹ کرتے ہوئے چیئرمین پی سی بی رمیز راجہ کا کہنا تھا کہ رضوان اور بابر اعظم نے پاک ویسٹ انڈیز ٹی ٹوئنٹی میں بہت ہی متاثر کن ریکارڈ کا تعاقب کیا ۔ دونوں کھلاڑیوں کی خود اعتمادی اور اطمینان اس کارنامے کی وجہ بنی۔

یہ بھی پڑھیئے

چترال میں رواں سال مارخور کی دوسری ٹرافی ہنٹنگ

• اداکار مانی فلم انڈسٹری میں ڈیبیو کیلیے تیار، حرا مانی خوشی سے نہال

رمیز راجہ کا محمد رضوان کے حوالے سے یہ بھی کہنا تھا کہ رضوان کیلئے سال دوہزار اکیس بہترین سال ثابت ہوا ہے جبکہ بابر اعظم بھی ان کے اچھے ساتھی ثابت ہوئے ہیں۔

#PAKvWI Very impressive record chase tonight.Self belief & calmness was at the heart of that feat!Great year for Rizwan & he doesn’t have a bad partner in Babar too. Pity about the rescheduling of the ODI series but we will have a full fledged fit WI team for that June encounter.

— Ramiz Raja (@iramizraja) December 16, 2021

رمیز راجہ نے ون ڈے سیریز کی ری شیڈولنگ پر افسوس کا اظہاربھی کیا اور کہا کہ انشاء اللہ ون ڈے سیریز انشاء اللہ اس سال جون میں ہوگی جس کیلئے کھلاڑی مکمل طور پر فٹ ہیں۔

واضح رہے کہ پاکستان اور ویسٹ انڈیز کے مابین کھیلے گئے ٹی ٹوئنٹی میچز کے دوران میدان میں کراچی کے شہریوں کی عدم دلچسپی پر سوئنگ کے سلطان وسیم اکرم نے گزشتہ روز ٹوئٹ میں شکوہ کیا تھا کہ عوام میچ دیکھنے کیلئے اسٹیڈیم کیوں نہیں آئے۔